Рахым Ошақбаев ҚР ІІМ Қоғамдық кеңесінің төрағасы болды
2022 жылғы 31 наурыз 12:24

Рахым Ошақбаев ҚР ІІМ Қоғамдық кеңесінің төрағасы болды

НҰР-СҰЛТАН. ҚазАқпарат – ҚР Ішкі істер министрлігінде ведомство жанындағы жаңартылған Қоғамдық кеңестің алғашқы отырысы өтті, деп хабарлайды ҚазАқпарат тілшісі.

Polisia.kz порталының мәліметінше, Марат Ахметжанов жаңартылған Қоғамдық кеңестің, сондай-ақ жалпы ішкі істер органдары жүйесінің алдында түбегейлі жаңа міндеттер тұрғанын атап өтті. Ең бастысы – қоғамдық сенім мен азаматтардың қолдауын қамтамасыз ету, полиция мен қоғам арасындағы өзара қарым-қатынастың тиімді серіктестік моделін қалыптастыру.

Министр бүгінгі таңда полиция қызметінің негізгі қағидаттарының бірі ашықтық пен айқындық болып табылатынын айтты. Сонымен қатар ол жаңа форматта Қоғамдық кеңестің жұмысы одан да тиімді болатынына сенім білдірді.

Кездесу барысында кеңес төрағасын сайлау үшін ашық дауыс беру өтті. Төраға болып «TALAP қолданбалы зерттеулер орталығы» қорының директоры Рахым Ошақбаев сайланды.


Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT