Референдумға дайындық кезіндегі карантин талаптары туралы қаулы шықты
2022 жылғы 6 мамыр 19:23

Референдумға дайындық кезіндегі карантин талаптары туралы қаулы шықты

НҰР-СҰЛТАН. ҚазАқпарат – ҚР Бас санитар дәрігерінің референдумға дайындық туралы қаулысы шықты, деп хабарлайды ҚазАқпарат.

Құжат шілдеде өтетін республикалық референдум алдында үгіт жүргізу кезінде COVID-19 инфекциясы таралуының алдын алу талаптарын нұсқайды. Ол талаптар мынадай:

- үгіт іс-шараларын халықтың көп жиналуын болдырмайтын алаңы бар үй-жайларда өткізу;

- адамдардың көп жиналуына жол бермей, үгіт іс-шараларына қатысушылардың ағынын реттеу;

- үй-жайларда желдеткіш/ауа баптау жүйелерінің үзіліссіз жұмыс істеуін қамтамасыз ету;

- жасанды желдету жүйесі болмаған жағдайда үй-жайды жүйелі желдету;

- үй-жайларды, жұмыс үстелдері мен адам жанасатын орындардың бәрін жуғыш сұйықтықтарды, дезинфекцциялық қоспаларды қолдана отырып сүртіп, тазарту.

«Облыстардың, республикалық маңызы бар қалалардың және астананың әкімдері, облыстардың, республикалық маңызы бар қалалардың және астананың аумақтық референдум комиссиялары осы қаулыны жұмыста пайдалануды қамтамасыз етсін», - деп жазылған қаулы мәтінінде.

Құжаттың мәтінімен мына сілтеме арқылы танысуға болады.

Бұған дейін ҚР Бас санитар дәрігері референдум кезінде эпидахуал нашарласа, Ashyq қолданылуы мүмкін екенін айтқан болатын.


Ұқсас жаңалықтар

Jańalyqtar

Үрдіс

MURAǴAT