Сұйытылған газ, электр қуаты мен көмір бағасы көтерілмек
2022 жылғы 10 маусым 13:20

Сұйытылған газ, электр қуаты мен көмір бағасы көтерілмек

НҰР-СҰЛТАН. ҚазАқпарат – Шілдеден бастап елімізде сұйытылған газ бағасы қымбаттайды. Энергетика министрлігі келесі жылға дейінгі шекті бағаны бекітті, деп хабарлайды ҚазАқпарат тілшісі.

«Ішкі нарықтағы сұйытылған газдың шекті бағасы 2022 жылғы 1 шілдеден 2023 жылдың 30 маусымын қоса алған кезеңге 1 тоннасы үшін 33 600 теңге мөлшерiнде бекітілсін. Бұл – тауар биржаларынан тыс өткізілетін және құн салығын есепке алмағандағы газдың шекті бағасы», - делінген бұйрықта .

Қазір сұйытылған газ бағасының шекті мөлшері – 28 000 теңге. Сонымен қатар, Энергетика министрлігі электр энергиясы мен көмір құнының да өсуі мүмкін екенін хабарлады.

«Электр энергиясын өндіруші 26 ұйым шекті тарифті өзгерту бойынша өтінім берді. Осыған байланысты 2022 жылдың 1 шілдесінен бастап бағаның өсуі болжанып отыр. Сондай-ақ, жыл соңына дейін Богатырь-Көмір разрезіндегі көмір бағасы 30%-ға өсуі мүмін», - делінген құжатта.

Еске сала кетейік, 6 қаңтарда Үкімет газдың шекті бағасына қатысты 180 күндік мораторий жариялаған еді.


Ұқсас жаңалықтар

Jańalyqtar

Үрдіс

MURAǴAT