Сұйытылған пропан мен бутан көлемінің үштен екісі экспортқа жіберіледі
2022 жылғы 26 қаңтар 14:22

Сұйытылған пропан мен бутан көлемінің үштен екісі экспортқа жіберіледі

НҰР-СҰЛТАН. ҚазАқпарат – Қазақстанда өндірілген сұйытылған пропан мен бутан көлемінің үштен екісі экспортқа жіберіледі, деп хабарлайды ҚазАқпарат energyprom.kz-ке сілтеме жасап.

2021 жылғы қаңтар–қарашада ҚР-да өндірілген табиғи газдың көлемі 49,1 млрд текше метрді құрады. Бұл 2020 жылдың сәйкес кезеңімен салыстырғанда 2,6% аз. Көрсеткіш екі жыл қатарынан төмендеп келеді және соңғы төрт жылдағы ең төменгі көрсеткіш.

2021 жылғы қаңтар-қазанда экспортқа 1,5 миллион тоннаға жуық сұйытылған пропан мен бутан жөнелтілді (тиісті кезеңдегі өндіріс көлемінің 68,8 пайызы). Бұл 2020 жылдың сәйкес кезеңімен салыстырғанда 7,6% аз.

Еске салайық, ҚР Үкіметі елдегі әлеуметтік-экономикалық жағдайды тұрақтандыру мақсатында 2022 жылдың 1 шілдесіне дейін реттелетін коммуналдық қызметтерге, оның ішінде газбен жабдықтауға тарифтерді көтеруге мораторий енгізді. Сондай-ақ Қазақстанның барлық аумағында жанар-жағармай құю станцияларында көліктерге жанар-жағармай құюға арналған сұйытылған мұнай газын бөлшек саудада өткізуге 180 күнге шекті баға белгіленді.

Елімізде сұйытылған мұнай газын электронды сауда алаңы арқылы сатуға толық көшу бір жылға кейінге шегерілді.


Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT