Түркістан облысында екі жеткіншек суға батып кетті
2022 жылғы 23 мамыр 23:24

Түркістан облысында екі жеткіншек суға батып кетті

ТҮРКІСТАН. ҚазАқпарат – Түркістан облысы Бәйдібек ауданында екі жеткіншек суға батып кетті. 10 жастағы 2 баланың мәйіті Бөген өзенінен табылды, деп хабарлайды ҚазАқпарат тілшісі.

Облыстық ПД баспасөз қызметінің мәліметінше, Бәйдібек аудандық полиция бөліміне жергілікті тұрғын өзенге шомылуға кеткен ұлын таппай қалғанын айтып көмек сұраған. Оның айтуынша, 2012 жылы туған екі бала Шалдар ауылының маңындағы «Бөген» өзенінің 2 метр тереңдіктегі жеріне түскен. Содан судан шықпапты. Қасында болған екі бала көмекке ауылдастарын шақыртқан. Оқиға орнына Бәйдібек АПБ-нің бастығы бастаған жедел-тергеу тобы мен прокуратура қызметкерлері, төтенше жағдай қызметінің 34 маманы мен 11 техника жұмылдырылған. Бірнеше сағатқа созылған жедел-іздестіру іс-шарасы нәтижесінде екеуінің де мәйітін табылды.

«Оқиға орнын қарау барысында балалардың киімдері мен велосипедтері табылды. Қазіргі таңда аталған дерек Бәйдібек АПБ-де тіркеліп, тергеп-тексеру жүргізілуде»,- дейді облыстық Полиция департаментінің баспасөз хатшысы Гүлнар Әбдірахманқызы.


Jańalyqtar

MURAǴAT