16 май куни Москвада КХШТ саммити бўлиб ўтади
13 Май 15:12

16 май куни Москвада КХШТ саммити бўлиб ўтади

NUR-SULTAN. Kazinform – 16 май куни Москвада Коллектив хавфсизлик шартномаси имзоланганининг 30 йиллигига ва КХШТ ташкил этилганининг 20 йиллигига бағишланган КХШТга аъзо давлатлар раҳбарларининг учрашуви бўлиб ўтади, дея хабар беради Kazinform.

«16 май куни Москвада Кремлда Коллектив хавфсизлик шартномаси ташкилоти давлат раҳбарларининг учрашуви бўлиб ўтади, унда Арманистон Бош вазири Никол Пашинян, Беларусь Президенти Александр Лукашенко, Қозоғистон Президенти Қасим- Жомарт Тоқаев, Қирғизистон Президенти Садир Жапаров, Россия Президенти Владимир Путин ва Тожикистон Президенти Эмомали Раҳмон иштирок этади», — дейилади КХШТ матбуот хизматининг расмий баёнотида.

Йиғилиш Коллектив хавфсизлик шартномаси имзоланганининг 30 йиллиги ва КХШТ ташкил этилганининг 20 йиллигига бағишланади. Тадбирда КХШТ Бош котиби Станислав Зась ҳам иштирок этади.

Кутилганидек, КХШТ Коллектив хавфсизлик кенгаши аъзолари ташкилот масъулияти соҳасидаги вазиятни, унинг ривожланиш истиқболларини муҳокама қилади ва КХШТ юбилейига бағишланган Баёнотни қабул қилади.

2022 йилда Коллектив Хавфсизлик Шартномаси Ташкилотига Арманистон Республикаси раислик қилади.

Коллектив хавфсизлик шартномаси (КХШ) 1992 йил 15 майда Тошкент шаҳрида имзоланган. 2002 йил 14 майда Коллектив хавфсизлик кенгашининг Москвадаги сессиясида Коллектив хавфсизлик шартномасига аъзо давлатлар ўртасидаги ҳамкорлик механизмлари ва тузилмаларини халқаро минтақавий ташкилот - Коллектив хавфсизлик шартномаси ташкилотига айлантирилди, унга тегишли мақом бериш тўғрисида қарор қабул қилинди. . Ташкилотга Арманистон, Беларусь, Қозоғистон, Қирғизистон, Россия ва Тожикистон киради.

Ўхшаш янгиликлар

Янгиликлар

Архив