2030 йилгача чиқиндиларни қайта ишлаш 40 фоизга етказилади – ҚР Бош вазири
27 Май 12:20

2030 йилгача чиқиндиларни қайта ишлаш 40 фоизга етказилади – ҚР Бош вазири

NUR-SULTAN. Kazinform – 2030 йилга бориб чиқиндихоналарнинг 95 фоизи экологик талабларга мослаштирилади. Бу ҳақда Қозоғистон Республикаси Бош вазири Алихан Смаилов маълум қилди, дея хабар беради Kazinform мухбири.

«Чиқиндиларни тўплаш, қайта ишлаш ва утилизация қилиш иқтисодиётнинг устувор тармоқларидан бўлиб, уларни давлат томонидан қўллаб-қувватлаш чоралари кўрилмоқда. «Яшил иқтисодиёт»га ўтиш концепцияси 2030 йилга бориб чиқиндиларни қайта ишлаш улушини 40 фоизга, 2050 йилга бориб 50 фоизга етказишни, 2030 йилга бориб мамлакат аҳолисининг 100 фоизини чиқинди олиб чиқиш хизмати билан таъминлашни назарда тутади», — деди Алихан Смаилов депутат сўровига жавобан.

У 2021 йилда аҳоли учун қулай яшаш муҳитини яратиш ва экологик вазиятни яхшилашга ёрдам берадиган Яшил Қозоғистон миллий лойиҳаси маъқулланганини ва бу ерда чиқиндилар билан боғлиқ чора-тадбирлар кўрилганини эслатди.

«Шу билан бирга, 2021 йилнинг 23 июлида Қозоғистон Республикаси Президенти ҳузуридаги «Яшил иқтисодиётга ўтиш бўйича кенгашнинг» навбатдан ташқари йиғилиши бўлиб ўтди, унда номақбул қаттиқ маиший чиқинди полигонларини рекултивация қилиш ёки уларни экологик ва санитария меъёрларига мувофиқлаштириш каби стихияли чиқиндиларни бартараф этиш ва олдини олиш бўйича ёндашувлар маъқулланди», — дея хулоса қилди Бош вазир.

Муаллиф: Азамат Сиздиқбаев

Ўхшаш янгиликлар

Янгиликлар

Архив