24 февралдан буён Қозоғистонга 108 057 нафар Россия фуқароси келиб, 99 975 нафари кетган
7 Апрель 15:15

24 февралдан буён Қозоғистонга 108 057 нафар Россия фуқароси келиб, 99 975 нафари кетган

NUR-SULTAN. Kazinform – 24 февралдан буён Қозоғистонга Россия Федерациясининг 108 057 нафар фуқароси келган ва 99 975 нафар россиялик фуқаро мамлакатдан чиқиб кетган, дея хабар бермоқда Kazinform мухбири ҚР ИИВ матбуот хизматига таяниб.

«Жорий йилнинг 24 февралидан 2 апрелига қадар Россия Федерациясининг 108057 нафар фуқароси мамлакатимизга келган ва 99975 нафари кетган. Бундан ташқари, 2022 йилнинг 3 ойи давомида 10 158 нафар Россия Федерацияси фуқароларига шахсий идентификация рақами берилди», — дейилади хабарда.

Идора маълумотларига кўра, россияликлар Қозоғистонда давлат чегарасини кесиб ўтган пайтдан бошлаб вақтинчалик яшаш рухсатномасисиз 90 кунгача қолиш ҳуқуқига эга.

Эслатиб ўтамиз, 11 апрелдан бошлаб Россия, Қирғизистон ва Ўзбекистон билан чегаралардаги барча чекловлар бекор қилинади.

Муаллиф: Есимжан Нақтибай

Ўхшаш янгиликлар

Янгиликлар

Архив