Давлат раҳбари Ҳисоб қўмитаси раисига бир қатор топшириқлар берди
10 Декабрь 19:34

Давлат раҳбари Ҳисоб қўмитаси раисига бир қатор топшириқлар берди

NUR-SULTAN. Kazinform – Давлат раҳбари Қасим-Жомарт Тоқаев Ҳисоб қўмитаси раиси Наталья Годуновани қабул қилди. Бу ҳақда Kazinform Ақорда матбуот хизматига таяниб хабар беради.

Пандемияга қарши курашга йўналтирилган умумий қиймати 521 миллиард тенге бўлган маблағлар аудитининг дастлабки натижалари Президент Қасим-Жомарт Тоқаевга тақдим этилди.

Хусусан, мазкур аудит доирасида модулли шифохоналар қурилишини молиялаштириш, юқумли касалликлар шифохоналарининг моддий-техник жиҳозланиши, шунингдек, шахсий ҳимоя воситаларига сарфланган харажатлар текширилди.

Наталья Годунова 2020 йилда Токиода бўлиб ўтган Олимпия ўйинларига тайёргарлик кўриш учун ажратилган маблағлардан фойдаланиш самарадорлигини текшириш натижалари ҳақида ҳам маълумот берди.

Спорт қўмитасида жисмоний тарбия ва спортни ривожлантириш соҳасидаги тадбирларни, шу жумладан, 2020 йилги Олимпиадага тайёргарлик кўриш ва иштирок этишни молиялаштириш учун 125 миллиард тенге миқдоридаги жами харажатларни аудиторлик текшируви қоплади.

Йиғилиш якунида Давлат раҳбари бир қатор топшириқлар берди.

Янгиликлар

Архив