+7 (701) 759 90 19
USD 423.95 EUR 495.81
RUB 5.84 CNY 65.6
Янгиликлар

Хитойда Нурсултон Назарбоев илмий-инновацион лабораторияси очилди

8 Июнь 11:44
Баҳам кўринг:
Хитойда Нурсултон Назарбоев илмий-инновацион лабораторияси очилди

NANKIN. Kazinform – Хитойда Қозоғистоннинг Биринчи Президенти Нурсултон Назарбоев номидаги илмий-инновацион лабораториясининг очилиш маросими бўлиб ўтди. Бу ҳақда Қозоғистон Ташқи ишлар вазирлиги маълум қилди, деб хабар беради Kazinform.

Ўхшаш янгиликлар
Хитойда Airshow China-2021 халқаро авиакўргазмаси  очилди Пекинда Қозоғистон мустақиллигининг 30 йиллигига бағишланган онлайн конференция бўлиб ўтди Хитойда иккита кема тўқнашди

Лаборатория муассислари - «G-Global» халқаро котибияти ва унинг Хитой Халқ Республикасидаги стратегик ҳамкори «China Silk Road Group» компаниясидир.

Тадбирда Нанкин шаҳри «Цзянбэй» янги тумани маъмурияти ва Пекиндаги «Чжунгуанцунь» илмий-технологик парки вакиллари, Қозоғистоннинг Хитойдаги элчихонаси дипломатлари, шунингдек, Хитой оммавий ахборот воситалари мухбирлари иштирок этишди.

«Лабораториянинг асосий вазифаси – кенг кўламли тадқиқотларни амалга ошириш, шу жумладан замонавий «блокчейн» технологияларидан фойдаланиш орқали Хитойнинг «Бир камар, битта йўл» ташаббуси ва Қозоғистоннинг «Нұрлы жол» дастури бўйича лойиҳаларни илгари суриш, шунингдек, илмий қўллаб-қувватлаш учун амалий ёрдам ҳисобланади. Ушбу ишда икки мамлакатнинг етакчи олимлари ва амалиётчилари фаол равишда жалб этиладилар», - дейилади ТИВ хабарида.

«G-Global» халқаро котибияти 2019 йилдан бошлаб «Бир камар, бир йўл» ташабусининг шеригидир. Унинг «Ипак йўли» халқаро мукофоти ва «Халқаро Ипак йўли – шаҳар ҳокимлари форуми» каби лойиҳалари «Бир камар, битта йўл» 2-форуми ташаббуси иштирокчилари томонидан қўллаб-қувватланди ва якуний ҳужжат матнига киритилди.


Баҳам кўринг:
Ўхшаш янгиликлар
Мавзуга оид
Фикр қолдириш
+7
Жўнатиш
Онлайн ходимлар

Архив