Ироқдаги коронавирус касалхонасида ёнғин қурбонлари сони 124 кишига етди
14 Июль 08:56

Ироқдаги коронавирус касалхонасида ёнғин қурбонлари сони 124 кишига етди

KAIR. Kazinform - Ироқ жанубидаги Де-Кар провинцияси Ан-Носирия шаҳридаги коронавирус касалхонада юз берган ёнғин қурбонлари сони 124 кишига етди, деб хабар беради Kazinform AL Hadath нашрига асосланиб.

Аввалроқ ушбу фожианинг қурбонлари 92 тага етганлиги ҳақида хабар берилган эди Марҳумларнинг жасадларини аниқлаш бўйича ишлар олиб борилмоқда. Провинция фуқаро муҳофазаси бошқармасининг хабар беришича, қурбонларнинг жасадлари ҳанузгача топилиши мумкин.

Ироқ Бош вазири Мустафо ал-Казимий ёнғин бўйича терговнинг дастлабки натижалари бир ҳафта ичида маълум бўлишини айтди. Бундан ташқари, Де-Кар округ апелляция суди 13 соғлиқни сақлаш ходимини ҳибсга олишга рухсат берди.

Ёнғин душанба куни кечқурун кислород баллони портлаши натижасида юз берган. Ҳодиса муносабати билан Саддам ат-Тавил провинциясининг Соғлиқни сақлаш вазири лавозимидан истеъфога чиқди. Ўз навбатида, Ироқ Бош вазири ал-Казимий фожиа сабаблари ва тафсилотларини ўрганиш учун махсус комиссия тузишни буюрди ва қурбонлар учун мотам кунини эълон қилди.

Ўхшаш янгиликлар

Янгиликлар

Архив