Иш ҳақини қўшимча индексация қилиш инфляцияни тезлаштириши мумкин – ҚР Бош вазири
21 Июнь 13:39

Иш ҳақини қўшимча индексация қилиш инфляцияни тезлаштириши мумкин – ҚР Бош вазири

NUR-SULTAN. Kazinform – Қозоғистон Бош вазири Алихан Смаилов нархлар ошиши муносабати билан иш ҳақини қўшимча индексация қилиш имкониятига изоҳ берди, деб хабар беради Kazinform мухбири.

«Меҳнат қонунчилигига мувофиқ, ходимнинг ойлик иш ҳақи ходимнинг малакасига, бажарилган ишнинг мураккаблиги, миқдори ва сифатига, шунингдек, меҳнат шароитларига қараб дифференциал тарзда белгиланади. Ойлик иш ҳақининг максимал чегараси йўқ. Меҳнат кодексининг 157-моддасига кўра, меҳнат шартномасида ходимлар ва иш берувчининг иш ҳақини индексация қилиш тартибини белгилаш бўйича ўзаро мажбуриятлари бўлиши мумкин», — деди Алихан Смаилов депутатлик сўровига жавобан.

Шу билан бирга, унинг таъкидлашича, иш ҳақининг йиллик оширилишидан ортиқ миқдорда мажбурий асосда иш ҳақи индексациясини амалга ошириш давлат бюджетидан қўшимча харажатларга олиб келади ва иш берувчиларга катта молиявий юк бўлади.

Бундан ташқари, Бош вазирнинг сўзларига кўра, қўшимча индексация аҳолининг инфляцион кутилмаларининг ортиши ва инфляция спиралининг емирилиши ҳисобига инфляциянинг янада тезлашишига олиб келиши мумкин.

«Шунингдек, иш ҳақини индексация қилиш, албатта, маҳсулот (хизматлар) таннархининг ошишига олиб келиши мумкин, бу эса истеъмол харажатларига, товар ва хизматлар нархининг ошишига таъсир қилади. Замонавий шароитда меҳнатга ҳақ тўлаш иқтисодий категория бўлиб, меҳнат бозоридаги ишчи кучига талаб ва таклиф, хўжалик юритувчи субъектларнинг молиявий-иқтисодий кўрсаткичлари ва бошқа омилларга боғлиқ», — дея тушунтирди Ҳукумат раҳбари.

«Иш ҳақини индексация қилиш жамоа шартномалари ва келишувлари доирасида томонлар келишилган ҳолда корхонанинг молиявий имкониятларидан келиб чиққан ҳолда амалга оширилиши керак. Шу билан бирга, дастурда, айниқса, аҳолининг истеъмол харажатларига кирувчи товар ва хизматлар нархларининг ошишига чек қўйишга қаратилган чора-тадбирларни амалга ошириш кўзда тутилган», — дея хулоса қилди А.Смаилов.

Муаллиф: Азамат Сиздиқбаев


Ўхшаш янгиликлар

Янгиликлар

Архив