Қостанайда 32 нафар ўзбекистонлик ноқонуний меҳнат қилаётгани аниқланди
30 Июнь 09:36

Қостанайда 32 нафар ўзбекистонлик ноқонуний меҳнат қилаётгани аниқланди

QOSTANAY. Kazinform – «Нелегал - 2022» тезкор профилактика тадбирининг икки кунида ички ишлар органлари томонидан 18 нафар хорижлик Қозоғистон ҳудудидан чиқариб юборилди ва миграция қонунчилигини бузиш билан боғлиқ 100 дан ортиқ факт аниқланди, деб хабар беради Kazinform.

Миграция хизмати ходимлари томонидан 32 нафар Ўзбекистон Республикаси фуқароси мамлакат ҳудудида ноқонуний меҳнат қилаётгани аниқланди.

«Қостанай вилоятининг Денисов туманида рухсатнома ҳужжатларисиз йўл таъмирлаш ишларини олиб борган 13 нафар Ўзбекистон фуқароси аниқланди. Бошқа ҳолларда, 10 ва 9 нафар Ўзбекистон фуқаролари Рудний шаҳридаги сув қувурларини таъмирлаш ва Лисаков шаҳридаги қурилиш объектларида ноқонуний ишлаган. Барча ҳолларда ҳуқуқбузарларга оид материаллар қарор қабул қилиш учун судга юборилган. Хорижий фуқароларни ишга ёллаган иш берувчилар ҳам жазоланди», - дейилади полиция хабарида.

Ҳуқуқ-тартибот идоралари ходимлари ноқонуний мигрантларни аниқлаш ишларини 4 июлга қадар давом эттиради.

Ўхшаш янгиликлар

Янгиликлар

Архив