Қозоғистон мунтазам қўшинлар сони бўйича дунёда 70-ўринда
20 Январь 16:55

Қозоғистон мунтазам қўшинлар сони бўйича дунёда 70-ўринда

NUR-SULTAN. Kazinform - Қозоғистон мунтазам қўшинлар сони бўйича дунёда 70-ўринда туради. Energuprom.kz маълумотларига кўра, мамлакатда ҳар 10 минг кишига 40 га яқин ҳарбий хизматчи тўғри келади.

2021 йилда Қуролли Кучлар таркибидаги мунтазам қўшинлар сони бўйича дунё давлатларининг рейтинги эълон қилинди.

Қозоғистон 166 давлат орасида 70-ўринни эгаллади. Рейтингга кўра, Қозоғистон Қуролли кучларининг мунтазам қўшинлари сони 39 минг нафарни ташкил қилади.

Ҳарбий бўлмаган ҳарбийлаштирилган бўлинмаларда 31,5 минг киши ишлайди. Шундай қилиб, Қозоғистонда 70,5 минг ҳарбий хизматчи ишлайди.

Бу мамлакатнинг ҳар 10 минг аҳолисига 38 кишидан тўғри келади.

МДҲ давлатлари орасида Қозоғистон Россия (5-ўрин), Украина (21-ўрин), Озарбайжон (41-ўрин), Ўзбекистон (63-ўрин), Беларусь (64-ўрин), Арманистон (66-ўрин) каби давлатлардан кейин турибди.

Туркманистон, Қирғизистон, Тожикистон ва Молдова Қозоғистондан паст.

2021 йилнинг учинчи чораги ҳолатига кўра, давлат бошқаруви, мудофаа ва мажбурий ижтимоий таъминот соҳасида меҳнат қилаётганлар сони 483,2 минг кишини ташкил этди. Бу ўтган йилга нисбатан 1,9 фоизга кам.

Давлат бошқаруви ва мудофаа соҳасида ишловчилар, айниқса, Алмати вилояти (72,9 минг киши), Шарқий Қозоғистон вилояти ва пойтахтда тўпланган.

Бу кўрсаткич бўйича Манғистау вилояти охирги ўринда.

Муаллиф: Есимжан Нақтибай


Янгиликлар

Архив