Қозоғистон Нидерландия иссиқхона технологияларини жорий этмоқчи
18 Июнь 14:46

Қозоғистон Нидерландия иссиқхона технологияларини жорий этмоқчи

AMSTERDAM. Kazinform – Амстердамда GreenTech Week ҳафталиги доирасида «Иссиқхона хўжаликларини ривожлантириш имкониятлари» конференцияси бўлиб ўтди, деб хабар беради Kazinform мухбири KAZAKH INVEST матбуот хизматига таяниб.

Учрашувда Қозоғистон Республикасининг Нидерландия Қироллигидаги элчиси Асқар Жумағалиев, Қишлоқ хўжалиги вазири ўринбосари Абулхайр Тамабек, Dutch Greenhouse Delta бош директори Эрик Эгбертс ҳамда икки мамлакат ишбилармон доиралари вакиллари иштирок этди.

Абулхайр Тамабек Нидерландия Қироллигининг иссиқхона саноатида қўлланиладиган юқори технологияларнинг жорий этилиши Қозоғистонда иссиқхона соҳасини ривожлантиришга янги суръат бағишлашини айтди.

Маърузачиларнинг ярми конференцияда жонли равишда иштирок этди, баъзилари эса видео ҳавола орқали қўшилди. Жумладан, KAZAKH INVEST компанияси бошқаруви раиси ўринбосари Жандос Темиргалиев пойтахтдан икки томонлама ҳамкорлик, Қозоғистоннинг сармоявий салоҳияти ва давлат томонидан қўллаб-қувватлаш чора-тадбирлари ҳақида гапирди.

Иштирокчиларнинг фикрича, Қозоғистон Голландия компанияларидан технологиялар сотиб олишга қизиқиш билдирмоқда. Нидерландия мамлакатимизда етакчи инвестор ҳисобланади. Хусусан, сўнгги 10 йилда Қиролликдан Қозоғистонга киритилган тўғридан-тўғри инвестициялар ҳажми 77,5 миллиард долларни ташкил этди.

Мамлакатимиздан голланд боғбонлари билан ишбилармонлик алоқаларини ўрнатишдан манфаатдор бўлган 15 нафар маҳаллий тадбиркор саноат бўлимлари вакиллари билан биргаликда Амстердамга ташриф буюрди. Яқин кунларда улар Нидерландиянинг бир қатор етакчи иссиқхона компанияларига ташриф буюришади. Хусусан, иссиқхоналарда озиқ-овқат маҳсулотларини хавфсиз ишлаб чиқариш бўйича илғор технологиялар ва лойиҳалар билан танишмоқда.

Ташриф Қозоғистоннинг Нидерландиядаги элчихонаси ва KAZAKH INVEST миллий компанияси томонидан ташкил этилди.

Муаллиф: Алихан Асқар

Ўхшаш янгиликлар

Янгиликлар

Архив