Қозоғистон ва Ўзбекистон махсус кучларнинг қўшма машғулотларини  ўтказади
5 Октябрь 15:30

Қозоғистон ва Ўзбекистон махсус кучларнинг қўшма машғулотларини  ўтказади

NUR-SULTAN - TASHKENT. Kazinform - 29 сентябрдан 2 октябргача Қозоғистон Республикаси Миллий гвардияси Бош қўмондонлиги Ички ишлар вазирининг ўринбосари - Миллий гвардия бош қўмондони генерал -лейтенант Руслан Жаксилиқов бошчилигидаги делегация Ўзбекистон Республикасига ташриф буюрди, деб хабар беради Kazinform Қозоғистон Республикаси Миллий гвардияси матбуот хизматига таяниб.

Ташриф Ўзбекистон томонининг таклифига биноан хизмат ва жанговар ҳаракатлар ҳамда турли соҳаларда икки томонлама ҳамкорлик масалалари бўйича тажриба алмашиш мақсадида ташкил этилган.

Қозоғистон делегацияси Ўзбекистонда бўлган вақтида Ўзбекистон Миллий гвардияси Марказий аппаратига ташриф буюрди ва у ерда қўмондон генерал -майор Рустам Жўраев билан учрашди.

Музокаралар чоғида муҳим давлат объектлари ва юкларни муҳофаза қилиш, махсус кучларнинг ҳарбий хизматчилари билан биргаликда тактик ва махсус машғулотлар ўтказиш, шунингдек, Қозоғистон Миллий гвардияси Ҳарбий институти билан ўқув дастурларини амалга ошириш бўйича тажриба алмашиш масалалари муҳокама қилинди.


Ташриф давомида Қозоғистон Республикаси Миллий гвардияси делегацияси Ўзбекистон Миллий гвардиясининг хизмат ва жанговар фаолиятининг турли масалалари бўйича тажрибасини ўрганиб, Жамоат хавфсизлиги университети, Ихтисослаштирилган ўқув маркази, Тошкент шаҳар Хавфсизлик бошқармаси, Отлиқлар эскадрони ва бошқа масканларга ташриф буюрди.

Делегация раҳбари, генерал -лейтенант Руслан Жаксилиқов ҳамкорлик режасини имзолаб, жамоат хавфсизлиги масалаларида икки томонлама ҳамкорлик ва ўзаро ҳамкорликни янада ривожлантириш ва мустаҳкамлашга ишонч билдирди.

Томонлар, шунингдек, Қозоғистон Миллий гвардияси вакилларининг кинологларнинг шахсий жамоавий мусобақаларида иштирок этиши, қўнғир берет кийиш ҳуқуқи бўйича малака тестларида кузатувчи сифатида иштирок этиши, шунингдек амалий семинар-йиғилиш ўтказиши тўғрисида келишиб олдилар. Қозоғистон ва Ўзбекистон Миллий гвардияси махсус кучлари тоғли жойлардаги ҳарбий хизматчилари ўртасида тактик ва махсус тайёргарлик мусобақалари ўтказилади.

Бундан ташқари, Ўзбекистон Миллий гвардияси раҳбарияти Қозоғистон полицияси ташкил этилганининг 30 йиллиги муносабати билан ««Әскери Керней - 2022»(ҳарбий карнай) ҳарбий –чолғулар оркестри гуруҳларининг Халқаро ҳарбий мусиқа фестивалида иштирок этишга ва Қозоғистон Республикаси Ички ишлар вазири кубоги учун қўл жанги бўйича турнирга қатнашишга қизиқиш билдирди.


Янгиликлар

Архив