Қозоғистонда болалар боғчалари сони кўпаймоқда
23 Июнь 15:23

Қозоғистонда болалар боғчалари сони кўпаймоқда

NUR-SULTAN. Kazinform – Қозоғистонда туғилиш даражаси ошиши муносабати билан боғчаларда қўшимча жойларга муҳтож бўлади. Бу ҳақда Қозоғистон Республикаси бош вазири ўринбосари Ерали Тоғжанов маълум қилди, дея хабар беради Kazinform мухбири.

«Сўнгги пайтларда республикада туғилишнинг ижобий тенденцияси кузатилмоқда, бу эса мактабгача таълим муассасаларида қўшимча жойларга, инфратузилмани кенгайтиришга, шунингдек, ўқитувчиларга бўлган эҳтиёжнинг ошишига олиб келмоқда. Мактабгача таълим муассасаларининг очилишини ҳисобга олсак, педагог кадрларга бўлган эҳтиёж ортади. 2021 йилга нисбатан мактабгача таълим муассасалари сони 150 тага кўпайди», -деди Ерали Тоғжанов депутатга берган жавобида.

Унга кўра, бугунги кунда мактабгача таълим давлат ташкилотлари ўқитувчилари сони Миллий таълим маълумотлар базаси маълумотларига кўра 65 736 нафарни ташкил этади.

«2022 йилда бюджет маблағлари ҳисобидан мактабгача таълим муассасаларининг 15 095 нафар педагог ходимларининг малакасини ошириш режалаштирилган. Вазирлик Қозоғистон Республикаси Ҳукуматининг «Давлат таълим ташкилотлари ходимларининг намунавий штатларига ўзгартириш ва қўшимчалар киритиш тўғрисида»ги қарори лойиҳасини мактабгача таълим муассасаларининг штат рўйхатига ижтимоий энага лавозимларини киритиш тўғрисида, ўқитувчи-ёрдамчи, махсус ўқитувчи», - дея хулоса қилди Бош вазир ўринбосари.

Муаллиф: Азамат Сиздиқбаев

Янгиликлар

Архив