Қозоғистонда ноябр ойида қанча олтин қуйма сотилган
21 Декабрь 17:49

Қозоғистонда ноябр ойида қанча олтин қуйма сотилган

ALMATY. Kazinform – 2021 йил ноябр ойида иккинчи даражали банклар ва якка тартибдаги нобанк айирбошлаш шохобчалари томонидан умумий оғирлиги 129,2 кг бўлган 3401 дона ўлчанган олтин қуймалар сотилган, деб хабар беради Kazinform ҚР Миллий банки сайтига таяниб.

Aҳоли учун ишлов берилган олтин қуймаларини сотиш ва қайта сотиб олиш дастури (кейинги ўринларда Дастур деб юритилади) Миллий банк томонидан 2017 йилдан бошлаб ишга туширилган. Фаолият бошланганидан буён умумий оғирлиги 2,6 тонна бўлган 71 631 дона олтин қуймалари сотилган.

Олтин қуймалари беш хил шаклда тақдим этилган: 5, 10, 20, 50 ва 100 г. Харидорлар орасида энг машҳури 10 г оғирликдаги қуймадир.Унинг умумий савдодаги улуши 28% - 19816 дона. Ундан кейин 100 грамм - 15 911 дона (22%) ва 20 грамм - 13 779 дона (19%), 5 грамм - 12 367 дона (17%), 50 грамм - 9 758 дона (14%).

Aсосан, ўлчанган қуймалар Алмати, Нур-Султан ва Aтирау шаҳарларида талабга эга. Олтин қуйма ишончли инвестиция воситаси сифатида ҳаракат қилиши мумкин.

Қуйма олтин бозорининг ликвидлигини таъминлашнинг асосий омили бу олтин қуймаларини банклар ва нобанк айирбошлаш шохобчалари томонидан мижозга «кун давомида» пул тўлаган ҳолда қайтариб олиш имкониятидир.

Дастур бошланганидан буён иккинчи даражали банклар ва якка тартибдаги нобанк айирбошлаш шохобчалари томонидан умумий оғирлиги 257 кг бўлган 10 538 дона ўлчанган қуймалари қайта сотиб олиш учун қабул қилинди, бу эса сотилган қуймаларнинг умумий ҳажмининг 15 фоизини ташкил этади. Банклар томонидан сотиб олиш учун қабул қилинган деярли барча ўлчанган қуймалар Миллий банк филиалларига қайтарилмасдан яна аҳолига сотилади.

Ҳар бир қуйма ҳимоя элементлари (инготларнинг ойна юзаси, микроматн ва бўртма қирраси) билан ва механик шикастланишдан ҳимоя қилувчи ва ўрамнинг очилган ёки очилмаганлигини текширишни осонлаштирадиган махсус ўрамда ишлаб чиқарилади. Ҳимоя ўрами ҳам сифат сертификатидир. Шу муносабат билан, инготни эҳтиёткорлик билан сақлаш ва пакетни очмаслик тавсия этилади.

Ҳозирда олтин қуймаларини Halyk Bank, Евроосиё банки, Jusan Bank, БанкЦентерКредит, шунингдек, айрим нобанк айирбошлаш шохобчаларида сотиб олиш ва қайта сотиш мумкин.

Янгиликлар

Архив