Нур-Султанда комендантлик соати вақтида йўловчиларни кутиб олиш ва кузатиб қўйишга рухсат берилди
14 Январь 08:59

Нур-Султанда комендантлик соати вақтида йўловчиларни кутиб олиш ва кузатиб қўйишга рухсат берилди

NUR-SULTAN. Кazinform – Нур-Султанда комендантлик соати вақтида йўловчиларни аэропорт ва вокзалларда кутиб олиш ва кузатиб қўйишга рухсат берилади, дея хабар беради Кazinform шаҳар ҳокимлигига таяниб.

Бунинг учун чипта (фотосурат) ва шахсни тасдиқловчи ҳужжатларни олиб келиш кифоя.

«Бу чора-тадбирлар йўловчиларга қулайлик яратиш мақсадида кўрилди. Шунингдек, комендантлик соати вақтида йўловчиларни етказиш мақсадида шаҳар ҳокимлигининг Транспорт ва йўл инфратузилмасини ривожлантириш бошқармаси ҳамда «CТS» МЧЖ томонидан «Нурсултон Назарбоев халқаро аэропорти» – «Нурли йўл вокзали» йўналиши бўйича қатновчи махсус автобуслар қатнови йўлга қўйилди. Улар соат 21:00 дан 06:00 гача ишлайди», дейилади комендатура баёнотида.

Комендатуранинг эслатишича, шаҳарда комендантлик соати соат 23:00 дан 07:00 гача. Шаҳар аҳолисига ташқарига чиқиш тақиқланган. Пойтахт ҳуқуқ-тартибот идоралари томонидан кечаю кундуз қўриқланади.

Қўшимча маълумот олиш учун фуқаролар комендатуранинг тезкор штаби 71 60 20 рақамига ёки «IKomek109» телефон рақамига қўнғироқ қилишлари керак.

Янгиликлар

Архив