+7 (701) 759 90 19
USD 436.29 EUR 492.83
RUB 5.92 CNY 68.48
Янгиликлар

Орол денгизининг қуриган тубига 1,1 млн гектар саксовул экилади

16 Октябрь 12:30
Баҳам кўринг:
Орол денгизининг қуриган тубига 1,1 млн гектар саксовул экилади

QYZYLORDA. Kazinform - Келгуси беш йил ичида Орол денгизининг қуриган тубига 1,1 миллион гектар саксовул экилади, деб хабар беради Kazinform мухбири.

Вилоят ҳокими Гулшара Абдиқалиқова ўрмон хўжалиги ходимларининг касб байрами арафасида ўрмон соҳа ходимлари билан учрашди.

Учрашувда вилоят раҳбари Қизилўрда вилояти мамлакатимизнинг чўл ҳудудида жойлашганини таъкидлади.

Ўрмон хўжалиги экологик зонада алоҳида ўрин тутади.

«Биринчи Президент - Елбасы Нурсултон Назарбоев ташаббуси билан Орол денгизи ва унинг ҳудудини экологик тиклаш борасида аниқ ишлар олиб борилмоқда. 6,5 млн гектарни ташкил этадиган давлат ўрмон ресурсларининг 3,4 млн гектари - ўрмон майдони. Уларнинг 89 фоизи асосий ўрмон бўлган саксовул дарахтлари. Сирдарё ҳудуди табиатини яхшилаш, ўрмонларни асраб-авайлаш, экиш ва муҳофаза қилишда соҳа мутахассисларининг аҳамияти катта.

Йиғилишда бир қатор соҳа ходимлари Қизилўрда вилоятининг Фахрий ёрлиқлари ва вилоят ҳокимининг ташаккурномалари билан тақдирландилар.

Соҳа фахрийлари Мурат Тулеғулов ва Мирзамурат Ибраев ўрмончиларга кўрсатилаётган ҳурмат учун вилоят раҳбарига миннатдорлик билдирди.

Улар ҳамкасбларини ҳудудни кўкаламзорлаштиришга ва унинг янада гуллаб -яшнашига ҳисса қўшишга чақирди.

Келгуси беш йил ичида 1,1 миллион гектар майдонда фито-ўрмон мелиорацияси ишлари олиб борилади.

Бу йил 100 минг гектар майдонга саксовул экилади. У 2022 йилдан 2025 йилгача ҳар йили 250 минг гектар майдонни эгаллайди.

Кейинги 3 йил мобайнида ўрмон хўжалиги муассасаларининг моддий-техник базасини мустаҳкамлаш учун вилоят бюджетидан 1,8 млрд тенге ажратилади.

Келажакда фито-ўрмон мелиорацияси ишлари учун халқаро ташкилотлар (Жаҳон банки, USAID, Германия Ҳамкорлик жамияти (GIZ) томонидан маблағ жалб этилади.

Келгуси йилдан бошлаб Жаҳон банкининг ландшафтларни тиклаш лойиҳаси Жаҳон банки гранти ҳисобига саксовул кўчатлари етиштириш учун доимий ўрмон питомникини ташкил этиш ва ўрмон хўжалиги учун ускуналар сотиб олишни режалаштирмоқда.

Шунингдек, Орол денгизининг қуриган тубининг 500 минг гектарини харитага тушириш ишлари бошланади, 100 минг гектар майдонида лойиҳавий қидириш ва Қизилўрда шаҳри яқинида 3 минг гектарда яшил зона яратишишлари бошланади.

Эслатиб ўтамиз, келажакда Арал шаҳрида «Балиқчилар» хиёбони очилади.


Баҳам кўринг:
Мавзуга оид
Фикр қолдириш
+7
Жўнатиш
Онлайн ходимлар

Архив