+7 (701) 759 90 19
USD 422.87 EUR 503.38
RUB 5.6 CNY 64.3
Янгиликлар

Парижда ТУРКСОЙ ва ЮНЕСКО алоқаларни мустаҳкамлаш истиқболлари муҳокама қилинди

12 Сентябрь 11:01
Баҳам кўринг:
Парижда ТУРКСОЙ ва ЮНЕСКО алоқаларни мустаҳкамлаш истиқболлари муҳокама қилинди

NUR-SULTAN. Kazinform – ТУРКСОЙ Халқаро Туркий Маданият Ташкилоти Бош котиби Дуйсен Қасеинов 2020 йил 8-10 сентябрь кунлари Парижда бўлиб ўтган ЮНЕСКОнинг Номоддий маданий меросни ҳимоя қилиш тўғрисидаги конвенциясининг VIII Бош ассамблеясида иштирок этди, деб хабар беради Kazinform ТУРКСОЙ матбуот хизматига таяниб.

100дан ортиқ мамлакатлар вакиллари иштирок этган тадбирда давлатлар, халқаро ва нодавлат ташкилотларнинг дунё халқларининг жонли меросини сақлаш ва оммалаштириш бўйича умумий саъй-ҳаракатларини такомиллаштириш имкониятларини кўриб чиқдилар.

Бош ассамблея доирасида Д.Қасеинов ЮНЕСКО бош директорининг маданият бўйича ўринбосари Эрнесто Оттоне Рамирес билан учрашди. Учрашувда икки ташкилот ўртасидаги алоқаларни кучайтириш ва маданият ва санъат соҳасидаги муҳим ташаббус ва лойиҳаларни амалга оширишда ўзаро қўллаб-қувватлаш, туркийзабон мамлакатларнинг моддий ва номоддий меросини ҳимоя қилиш йўллари муҳокама қилинди.

ТУРКСОЙ Бош котиби ЮНЕСКОнинг туркий дунёнинг таниқли шоирларидан бири Абай Қўнонбоевнинг 175 йиллик юбилейи тадбирларини тарғиб қилишда қўшган ҳиссаси учун миннатдорчилик сифатида ТУРКСОЙ Бош котиби Рамирес жанобларига Абайдан иқтибослар келтирилган иллюстрациялар тўпламини, шунингдек замонамизнинг энг таниқли ёзувчиларидан бири Ч.Айтматовнинг ижодидан илҳомланган ҳолда яратилган туркий халқлар рассомларининг арт-альбомини ҳадя этди. Учрашувда Қозоғистон Республикасининг Франциядаги Фавқулодда ва мухтор элчиси, Қозоғистоннинг ЮНЕСКО қошидаги доимий вакили Жан Ғалиев ҳам иштирок этди.

Дуйсен Қасеинов, шунингдек, ЮНЕСКО Бош конференцияси раиси Алтай Ченгизер ва Озарбайжон, Қозоғистон, Қирғизистон ва Ўзбекистоннинг ЮНЕСКО қошидаги вакиллари билан халқаро ташкилотнинг Париждаги штаб-квартирасида қўшма тадбирларини ўтказиш масалалари бўйича маслаҳат ўтказди. Учрашув доирасида А.Ченгизерни ЮНЕСКО сайтида турк дунёси маданияти ва санъатининг тарғиб қилинишини доимий қўллаб-қувватлагани учун Абайнинг эсдалик медалини топшириш маросими бўлиб ўтди.


Баҳам кўринг:
Фикр қолдириш
+7
Жўнатиш
Онлайн ходимлар
Муҳаррир
Нурлан Туйахов
Нурлан Туйахов
954-059

Архив