Россияда ўсмирлар учун коронавирусга қарши вакцина рўйхатдан ўтказилди
25 Ноябрь 12:52

Россияда ўсмирлар учун коронавирусга қарши вакцина рўйхатдан ўтказилди

MOSKVA. ТASS-Кazinform – Россия Федерациясида ўсмирлар учун янги «Спутник М» коронавирус инфекциясига қарши вакцина рўйхатдан ўтказилди. Бу ҳақда чоршанба куни бўлиб ўтган матбуот анжуманида Гамалея маркази директори ўринбосари Денис Логунов маълум қилди, деб хабар беради Kazinform ТASSга таяниб.

«Спутникни болалар популяциясида қўллаш учун рухсат олинди, вакцина рўйхатдан ўтди, биз бу хушхабарни баҳам кўришимиз мумкин», - деди у.

Чоршанба куни Бош вазир ўринбосари Татьяна Голикова ҳам болалар учун вакцина декабр ойининг охиридан олдин Россия Федерациясида фуқаролик муомаласига киришини маълум қилди.

5 июн куни Москвада «Спутник V» нинг 12 ёшдан 17 ёшгача бўлган болалар ўртасида клиник синовлари бошланди. Илгари Гамалея марказ директори Александр Гинцбург томонидан тушунтирилганидек. «Спутник V» коронавирусга қарши вакцина концентрацияси ўсмирларни эмлаш учун беш баравар ва ёш болалар учун 10 баравар камайтирилди.

Ўхшаш янгиликлар

Янгиликлар

Архив