Zhas Project: 1 миллион тенгелик 250 дан ортиқ грант ажратилди
12 Август 22:41

Zhas Project: 1 миллион тенгелик 250 дан ортиқ грант ажратилди

NUR-SULTAN. Кazinform – Жорий йилда лойиҳа Алмати, Жетису, Қарағанди, Улитау, Манғистау ва Туркистон вилоятларида амалга оширилмоқда, деб хабар беради Kazinform ҚР Ахборот ва жамиятни ривожлантириш вазирлиги матбуот хизматига таяниб.

Мазкур вилоятлар ёшлари ташаббусларини қўллаб-қувватлаш мақсадида ҳар бири 1 миллион тенгедан 250 дан ортиқ кичик грантлар ажратилди.

«Zhas Project» лойиҳасининг асосий мақсадларидан бири ёшларни аҳоли пунктларининг ижтимоий-иқтисодий ҳаётига кенг жалб этиш, бандлигини таъминлаш, шунингдек, ижтимоий ҳимояга муҳтож, айниқса, қишлоқ жойларда яшовчи ёшларнинг бизнес ғояларини қўллаб-қувватлашдан иборат.

Ахборот ва ижтимоий ривожланиш вазирлиги Фуқаролик ташаббусларини қўллаб-қувватлаш маркази ва жамоат бирлашмалари билан ҳамкорликда «Zhas Project» лойиҳаси доирасида кичик грантлар бўйича танлов эълон қилди.

Кичик грантлар танловида 18-29 ёшли қозоғистонликлар иштирок этишди. Лойиҳада ишсиз сифатида рўйхатга олинган ёшлар, етим ва кам таъминланган оилаларда яшовчи ногиронлар, ногирон бола тарбиялаётган ота-оналар, кўп болали оилалар, шунингдек, «Алтын алқа» ва «Күміс алқа»(олтин ва кумуш медаль маъносида)кўкрак нишонлари билан тақдирланган кўп болали оналарга алоҳида эътибор қаратилмоқда.

Ўхшаш янгиликлар

Янгиликлар

Архив