+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

24 qyrkúıek. Týǵan kún ıeleri

2021 jylǵy 24 qyrkúıek 08:10
Bólisińiz:
24 qyrkúıek. Týǵan kún ıeleri

NUR-SULTAN. QazAqparat – QazAqparat 24 qyrkúıekke arnalǵan «Týǵan kún ıeleri» kúntizbesin usynady.

Uqsas jańalyqtar
21 qazan. QazAqparat kúntizbesi 20 qazan. QazAqparat kúntizbesi 19 qazan. Týǵan kún ıeleri

ESІMDER

117 jyl buryn (1904-1992) jazýshy, aýdarmashy, Qazaq KSR eńbek sińirgen mádenıet qyzmetkeri Hasen ÓZDENBAEV dúnıege keldi.

Qostanaı oblysynda týǵan. Orynborda muǵalimder daıarlaý kýrsyn (Ahmet Baıtursynuly, Mirjaqyp Dýlatovtardyń dárisine qatysqan), Máskeýde oblystyq gazet redaktorlaryn daıarlaý kýrsyn, Qostanaı muǵalimder ınstıtýtyn bitirgen.

1920-1928 jyldary keńes zań organdarynda qymet istedi, 1928-1973 jyldary baspalardyń redaktory boldy. Ádebı qyzmetin 1929-1930 jyldary bastady. 1937 jyldyń kókteminde Shyǵys Qazaqstan óńirinde shyǵyp turǵan gazetke redaktor, bir jyldan soń partııalyq baspanyń bas redaktory boldy. Al sodan jarty jyl ótkende halyq jaýy retinde partııa qatarynan shyǵaryp, kontrrevolıýtsııalyq qyzmeti úshin qamaýǵa alady. Basqa da túrli aıyptaýlar taǵylyp, 1938 jyly sottalyp, 1941 jylǵa deıin túrmede otyryp shyqty. Ol sottalyp shyqqannan keıin uzaq jyldar boıy QazTAG aqparat agenttiginde (qazirgi «QazAqparat» HAA, bıyl agenttikke 100 jyl tolyp otyr) qyzmet etti.

Qostanaı okrýgtik «Aýyl» gazetinde feletondary, ocherkteri jarııalandy. M.Alekseevtiń «Bolshevıkter», M.Sholohovtyń «Kóterilgen tyń», «Tynyq Don», I.Goncharovtyń «Oblomov», O.Balzaktyń «Shegiren bylǵary» romandaryn, P.Merımeniń, I.Vazovtyń áńgimelerin qazaqshaǵa aýdardy. Ǵ.Mustafınniń «Daýyldan keıin» romanyn N.Kýzmınmen birge qazaq tilininen orysshaǵa aýdardy, A.Muhtardyń «Apaly-sińliler» romanyn ózbeksheden, Á.Enıkıdiń «Aıtylmaı qalǵan ósıet» povesin tatarshadan tikeleı qazaqshalady. «Eńbek ardageri», «Eńbektegi erligi úshin» medaldarymen, Qazaq KSR Joǵarǵy Keńesiniń Qurmet gramotasymen marapattalǵan.

57 jyl buryn (1964) Qazaqstan Respýblıkasy Indýstrııa jáne ınfraqurylymdyq damý mınıstrligi Kólik komıtetiniń tóraǵasy Samat Qýanyshuly ǴYLYMOV dúnıege keldi.

Atyraý oblysynda týǵan. Eńbek Qyzyl Tý ordeni atyndaǵy Qazaq aýyl sharýashylyǵy ınstıtýtyn (1987), Qazaq memlekettik zań akademııasyn (2000) bitirgen.

Eńbek joly: Gýrev oblysynyń Qosshaǵyl keńsharynda slesar (1981-1982); Gýrev oblysy Qosshaǵyl sovhozynyń «Avtogarajynda» mashına aýlasynyń meńgerýshisi (1987-1988); Gýrev oblysy Qosshaǵyl sovhozynyń MTM meńgerýshisi (1988-1990); Gýrev oblysy Teńdik sovhozynyń bas ınjeneri (1990-1991); «Atyraýrybprom» basqarmasynyń ınjeneri (1991-1992); «Merkýrıı-Interneıshnl» birlesken keńes-Frantsýz kásipornynyń tehnıkalyq dırektory (1992-1993); «Alın-Holdıng» JShS Atyraý ókildiginiń óńirlik ókili (1993-1995); «Qant ortalyǵy» JShS ókili (1995-1997); «Qazaqstan Saýda jáne qarjylandyrý» RQB ókili (06.1997-12.1997); QR Salyq polıtsııasy organdaryndaǵy qyzmet (1998-2002); Aqtóbe oblysy ákiminiń orynbasary (2002-2005); «Qazmunaıgaz» Barlaý Óndirý» AQ «Embimunaıgaz» fılıaly apparatynyń basshysy - dırektordyń orynbasary (2005-2007); QR Kólik jáne kommýnıkatsııa mınıstrligi Kóliktik baqylaý komıtetiniń Atyraý oblysy boıynsha kóliktik baqylaý ınspektsııasy bastyǵy orynbasarynyń m.a. (04.2008-06.2008); QR Kólik jáne kommýnıkatsııa mınıstrligi Kóliktik baqylaý komıtetiniń Atyraý oblysy boıynsha kóliktik baqylaý ınspektsııasy bastyǵynyń orynbasary (06.2008-08.2008); QR Kólik jáne kommýnıkatsııa mınıstrligi Kóliktik baqylaý komıtetiniń Atyraý jáne Mańǵystaý oblystary, Atyraý qalasy boıynsha «Kaspıı» óńiraralyq kóliktik baqylaý ınspektsııasynyń bastyǵy (2008-2009); Qazaqstan Respýblıkasy Kólik jáne kommýnıkatsııa mınıstrligi Kóliktik baqylaý komıtetiniń Atyraý jáne Mańǵystaý oblystary, Atyraý qalasy boıynsha «Kaspıı» óńiraralyq kóliktik baqylaý ınspektsııasynyń basshysy (2013-2014); QR Investıtsııalar jáne damý mınıstrliginiń Kólik komıteti Atyraý oblysy kóliktik baqylaý ınspektsııasynyń basshysy (2014-2017); QR Investıtsııalar jáne damý mınıstrliginiń Kólik komıtetiniń tóraǵasynyń orynbasary (2017-2019).

Qazirgi qyzmetinde – 2019 jyldyń naýryz aıynan bastap.

52 jyl buryn (1969) Qazaqstan Respýblıkasy Іshki ister mınıstrliginiń Kóshi-qon qyzmeti komıtetiniń tóraǵasy Murat Talapuly QABDENOV dúnıege keldi.

Shymkent pedagogıkalyq ınstıtýtyn (1992), Qazaqstan Respýblıkasy ІІM-niń Qaraǵandy joǵary mektebin (1996) bitirgen. Arnaıy ataǵy: polıtsııa general-maıory. Eńbek joly: Shymkent qalasy Іshki ister basqarmasy QІB jedel ýákili (1992-1993); Ońtústik Qazaqstan oblysy Іshki ister basqarmasynyń aǵa jedel ýákili, bólimshe bastyǵy, asa mańyzdy ister jónindegi aǵa jedel ýákil, bólim bastyǵynyń orynbasary, Ońtústik Qazaqstan oblysy Іshki ister basqarmasy bastyǵynyń orynbasary, Ońtústik Qazaqstan oblysy MTKB bastyǵynyń orynbasary (1993-1997); Ońtústik Qazaqstan oblysy BІІB uıymdastyrýshylyq-ádistemelik jáne KPQ sheteldiktermen jumys jónindegi basqarmasynyń bólim bastyǵy, basqarma bastyǵy (1997-1999); Saryaǵash aýdany Іshki ister basqarmasy polıtsııa bóliminiń bastyǵy (1999-2001); Shymkent qalasy 1-polıtsııa bóliminiń bastyǵy (2001-2003); Aqmola oblysy BІІB bastyǵynyń orynbasary (2003-2005); Batys Qazaqstan oblysy ІІD bastyǵynyń birinshi orynbasary (2005-2007); Batys Qazaqstan oblysy ІІD-niń bastyǵy (2007-2009); Qazaqstan Respýblıkasy Іshki ister mınıstrligi Ákimshilik polıtsııa komıtetiniń tóraǵasy (2009-2011); Qazaqstan Respýblıkasy Іshki ister mınıstrligi Kóshi-qon polıtsııasy komıteti tóraǵasynyń orynbasary (2011-2012); Pavlodar oblysy Ekonomıkalyq qylmysqa jáne sybaılas jemqorlyqqa qarsy kúres (Qarjy polıtsııasy) departamentiniń bastyǵy (2012-2014); Qazaqstan Respýblıkasy Іshki ister mınıstriniń keńesshisi (2014-2017). Qazirgi laýazymyn 2017 jylǵy naýryz aıynan beri atqaryp keledi.

44 jyl buryn (1977) Teńiz kóligi kásipkerleri qaýymdastyǵynyń bas dırektory Órken Serikqalıuly BISAQAEV dúnıege keldi.

Batys Qazaqstan oblysynda týǵan. Q. Sátpaev atyndaǵy Qazaq ulttyq tehnıka ýnıversıtetin ekonomıka jáne menedjment, ınjener-ekonomıst, Sh. Esenov atyndaǵy Kaspıı memlekettik ýnıversıtetin quqyqtaný mamandyǵy boıynsha támamdaǵan.

Eńbek joly: Batys Qazaqstan oblysyndaǵy «Intergazqurylys» AAQ-da ekonomıst (1999-2000); Atyraý qalasynyń «Intergazqurylys» AAQ-da KTK jobasy dırektorynyń orynbasary (2000-2002); Atyraý oblysynyń «Intergazqurylys» AAQ-da Teńizshevroıl joba basqarmasynyń ınjener-jobalaýshysy (2002-2003); Batys Qazaqstan oblysynyń «Intergazqurylys» AAQ-da josparlaý-ekonomıkalyq bólim basshysynyń orynbasary (2003); Almaty qalasy «Qaztranskom» AAQ–da Sharýashylyq departamentiniń kúrdeli qurylys bóliminiń bastyǵy (2003-2004); Almaty qalasy «Nıýtek Dıstrıbıýshın» JShS menedjeri, korporatıvtik jobalar departamentiniń dırektory, bas dırektordyń orynbasary (2004-2007); Mańǵystaý oblysy ákimi apparatynyń uıymdastyrýshylyq-baqylaý bóliminiń bas ınspektorynyń mindetin atqarýshy (03.2007-04.2007); Mańǵystaý oblysy ákimi apparatynyń uıymdastyrýshylyq-baqylaý bóliminiń bas ınspektory (2007-2008); Mańǵystaý oblysy ákimi apparatynyń uıymdastyrýshylyq-baqylaý bóliminiń meńgerýshisi (2008-2010); Aqtaý qalasy ákiminiń orynbasary (2010-2012); Mańǵystaý oblysy jolaýshylar kóligi jáne avtokólik joldary basqarmasynyń jetekshisi (2012-2016); Mańǵystaý oblysy jolaýshylar kóligi jáne avtokólik joldary basqarmasynyń jetekshisi (2016-2017); Aqtaý qalasy ákiminiń orynbasary (01.2017-11.2017); Mańǵystaý oblysy týrızm basqarmasynyń jetekshisi (2017-2018); Mańǵystaý oblysy ákiminiń orynbasary (2018-2019); «Kazakh Tourism» UK» AQ basqarma tóraǵasy (04.2019-09.2019). 2019-2021 jyldary Qazaqstan Respýblıkasy mádenıet jáne sport vıtse-mınıstri.

Qazirgi laýazymyn 2021 jylǵy naýryz aıynan beri atqaryp keledi.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT