+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Aqmola oblysynda úzdik otbasylyq qarym-qatynas klýby anyqtaldy

2021 jylǵy 23 qyrkúıek 23:32
Bólisińiz:
Aqmola oblysynda úzdik otbasylyq qarym-qatynas klýby anyqtaldy

KÓKShETAÝ. QazAqparat - Oblystyq oqý-ádistemelik kabınetiniń josparyna sáıkes jáne «Rýhanı jańǵyrý» baǵdarlamasyn iske asyrý aıasynda aǵymdaǵy jyldyń 22 qyrkúıeginde Aqmola oblysynyń bilim berý mekemeleri arasynda «Otbasylyq qarym-qatynas klýbynyń úzdik uıymy» oblystyq syrttaı baıqaýy ótti, dep habarlaıdy QazAqparat tilshisi Aqmola oblystyq bilim basqarmasynyń baspasóz qyzmetine silteme jasap.

Uqsas jańalyqtar
Atyraýda jeke turǵyn úılerdiń aýlasynda saryshaıan qaptady Elordalyq kóligin turaqqa qoıý úshin qansha ýaqytyn jumsaıdy Onomastıka: Aqmola oblysynda 30-dan astam eldi mekenniń ataýy ózgertilgen

Baıqaýǵa 17 aýdandyq (qalalyq) bilim bólimderinen aýdandyq kezeńniń jeńimpazdary qatysty. Baıqaý otbasylyq klýb qyzmetiniń prezentatsııasy bar portfolıo; otbasylyq qundylyqtar, shyǵarmashylyq konkýrstar men kórmeler týraly beınerolık tárizdi eki týrdan turdy.

«Otbasy - balanyń damýy men qalyptasýyndaǵy mańyzdy býyn. Oblystyń bilim berý uıymdarynda tárbıe jumysy otbasynyń, bilim berý uıymdarynyń, qoǵamnyń keń túrde qatysýymen keshendi túrde júrgiziledi. «Otbasy – mektep» tárbıe jobasynda jalpyulttyq qundylyqtardy iske asyrý otbasy men mekteptiń syndarly yntymaqtastyǵy men ózara qarym-qatynasyna baǵyttalǵan», - dedi vedomstvodan.

Baıqaý qorytyndysy boıynsha 1 oryndy Jaqsy aýdanyndaǵy A.Ábdirahmanov atyndaǵy orta mektebiniń «Nurshýaq» otbasylyq qarym-qatynas klýby ıelense, 2 oryndarǵa Ereımentaý aýdanyndaǵy Erkinshilik orta mektebiniń «Kúnshýaq» jáne Kókshetaý qalasyndaǵy №6 mektep-lıtseıiniń «Radost obenııa» otbasylyq qarym-qatynas klýbtary laıyq dep tanyldy.

Al júldeli 3-shi orynǵa Atbasar aýdanyndaǵy Shý orta mektebiniń «Urpaq», Arshaly aýdanyndaǵy J. Táshenov atyndaǵy orta mektebiniń «Mereıli otbasy» jáne Sandyqtaý aýdanyndaǵy Prıozernoe orta mektebiniń «Biz birgemiz» otbasylyq qarym-qatynas klýbtary ıe boldy.


Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT