+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Fýtzaldan álem chempıonaty: Qazaqstan shırek fınalǵa joldama aldy

2021 jylǵy 23 qyrkúıek 22:56
Bólisińiz:
Fýtzaldan álem chempıonaty: Qazaqstan shırek fınalǵa joldama aldy

NUR-SULTAN. QazAqparat - Qazaqstan quramasy fýtzaldan álem chempıonaty shırek fınalyna joldama aldy, dep habarlaıdy QazAqparat tilshisi.

Uqsas jańalyqtar
2022 jylǵy qysqy Olımpıada oıyndarynyń alaýy Beıjińge jetti UEFA Chempıondar lıgasy: «Lıverpýl» úshinshi oıyn qatarynan jeńiske jetti Tennıs: Elena Rybakına Máskeý týrnıriniń ekinshi aınalymyna shyǵa almady

Qazaqstandyq sportshylar búgin 1/8 fınalda Taıland quramasymen kezdesti.

Toptyq kezeńde Qazaqstan quramasy Kosta-Rıkadan 6:1, Lıtvadan 3:0 esebimen basym boldy. Al Venesýelamen 1:1 esebimen teń tústi.

Búgingi oıyn barysynda qazaqstandyq fýtzalshylardyń basymdyǵy baıqalyp turdy. Alǵashqy mınýttan tizgindi qolǵa alýǵa tyrysqan olar kóp uzamaı esep ashty. Oıynnyń 3-mınýtynda Dáýren Tursaǵulov mergendik tanytty. Odan keıin 4-mınýtta Dýglas qazaqstandyq quramanyń basymdyǵyn arttyra tústi. Budan keıin Chaıvat Djamgradjang 19-mınýtta avtogol avtory atandy.

Ekinshi kezeńde 24-mınýtta Taınan men Dáýren Nurǵojın eki gol soǵyp ketti. Al 32-mınýtta Arnold Knaýb qarsylastar qaqpasynyń toryn búlk etkizdi. Oıynnyń 38-mınýtynda qazaqstandyq qaqpashy Igıta qarsylas quramanyń bos turǵan qaqpasyna gol soǵyp ketti.

Qazaqstan qarsylasynan 7:0 esebimen basym tústi. Endi qazaqstandyqtar shırek fınalda Ózbekstan jáne Iran jubynyń jeńimpazymen kezdesedi.

Dál qazir 1/8 fınaldaǵy taǵy bir kezdesýde Argentına Paragvaıdy 6:1 esebimen jeńdi.

Aıta ketsek, 22 qyrkúıekte Reseı Vetnamdy, Marokko Venesýelany 3:2 esebimen jeńip, shırek fınalǵa shyqqan bolatyn. Endi erteń, 24 qyrkúıekte Ózbekstan men Iran, Ispanııa men Chehııa, Portýgalııa men Serbııa quramalary sheberlik baıqasady.

Qazaqstan quramasy budan buryn álem chempıonaty fınaldyq satysynda eki márte baq synady. 2000 jyly birinshi kezeńnen asa almasa, 2016 jyly 1/8 fınalǵa deıin jetti.

Álem chempıonatynyń fınaly 3 qazanǵa belgilengen.


Bizdiń kanalymyzǵa jazylyńyz:

#Sport  
Bólisińiz:

Avtor:

Ádiljan Úmbet

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT