+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Nur Otan-nyń saılaýaldy baǵdarlamasy aıasynda 200 myń adam jumysqa ornalasty – Baýyrjan Baıbek

2021 jylǵy 24 qyrkúıek 19:07
Bólisińiz:
Nur Otan-nyń saılaýaldy baǵdarlamasy aıasynda 200 myń adam jumysqa ornalasty – Baýyrjan Baıbek

NUR-SULTAN. QazAqparat - «Nur Otan» partııasy Tóraǵasynyń Birinshi orynbasary Baýyrjan Baıbek óńirlerge jumys sapary aıasynda Soltústik Qazaqstan oblysyndaǵy birqatar nysandardy aralady.

Uqsas jańalyqtar
SQO-da kúnniń sýytýyna baılanysty polıtseıler kóktaıǵaq bolatynyn eskertti SQO-da qoǵamdyq oryndarda mas júrgen 10 myńnan astam adam ustaldy Petropavlda er adam páterde marıhýana ósirip kelgen

«Elbasy, partııa Lıderi Nursultan Nazarbaevtyń tapsyrmasy boıynsha biz ár oblysta, qalada jáne aýdanda saılaýaldy ýádelerdi oryndaý boıynsha 217 jol kartasyn baqylaýdamyz. Memleket Basshysy Qasym-Jomart Toqaev jarııa etken «Ózgerister joly: Ár azamatqa laıyqty ómir!» saılaýaldy baǵdarlamasy óńirlerde 14%-ke iske asyryldy», – dep atap ótti Baýyrjan Baıbek.

Onyń aıtýynsha, jyl basynan beri 9 mln. sharshy metrge jýyq turǵyn úı salynǵan, 131 mektep, 70 balabaqsha jáne 22 medıtsınalyq nysan ashylǵan. 200 myńnan astam adam turaqty jumys oryndaryna ornalastyryldy. 837 mlrd teńgege ınvestıtsııa tartý arqyly 89 kásiporyn iske qosyldy.

Soltústik Qazaqstan oblysynda josparlanǵan 1134 is-sharanyń osy kúni 26%-ti oryndaldy. Máselen, bıyl 10 sút-taýar fermasy iske qosylady, 13 myń basqa arnalǵan 2 bordaqylaý alańy, 2 qus fabrıkasy salynady jáne t.b.


El azamattarynyń 40%-ten astamy aýylda turatynyn eskere otyryp, Elbasynyń «Aýyl – El besigi» jobasy sheńberinde aýyldy damytý, aýyl turǵyndarynyń ómirin jaqsartý úshin jaǵdaılar jasalyp jatyr. Sondyqtan fılıal tóraǵasy, oblys ákimi Qumar Aqsaqalovpen birge ol Aıyrtaý aýdanyndaǵy «Ádemi Astyq» JShS-nyń quny 1 mlrd. teńgeden asatyn sút-taýar fermasy qurylysynyń barysymen tanysty.

«Sharýa qojalyǵy ornalasqan aýyldyń tarıhy qyzyqty. 2004 jyly halyqtyń údere ketýine baılanysty Prekrasnoe aýylynyń shyn máninde tirshiligi toqtap qaldy. 2011 jyly «Nur Otan» partııasynan oblystyq máslıhattyń depýtaty Baqyt Qusaıynov aýylǵa oralyp, mal ósirýge kiristi. Jobanyń tabystylyǵyn eskere otyryp, depýtat jumys kúshi artyq óńirlerden qonys aýdarý baǵdarlamasyn belsendi qoldaı bastady. Qazirgi kezde 14 úı salyndy, taǵy 10 úıdiń qurylysy júrip jatyr», - dep jazdy Baýyrjan Baıbek Facebook-tegi paraqshasynda.

Saılaýaldy baǵdarlamanyń aıasynda bul máselege erekshe nazar aýdarylatyny atap ótildi. «Dıplommen aýylǵa» baǵdarlamasy boıynsha kelgen jas mamandarǵa turǵyn úı satyp alýǵa jeńildikpen nesıe bólinetin bolady. Óńirlerdiń deńgeıinde jas otbasylardyń baspana máselesin sheshý úshin baǵdarlamalar ázirlenedi. Jalpy, el kóleminde jyl saıyn 700 myńǵa jýyq adam jumyspen qamtýdyń belsendi túrlerimen qamtylady.






Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT