+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Nur-Sultanda umyt bola bastaǵan salt-dástúrlerdi jańǵyrtatyn JAS NOMAD jobasy bastaldy

2021 jylǵy 23 qyrkúıek 22:02
Bólisińiz:
Nur-Sultanda umyt bola bastaǵan salt-dástúrlerdi jańǵyrtatyn JAS NOMAD jobasy bastaldy

NUR-SULTAN. QazAqparat - Nur-Sultan qalasy ákimdiginiń «Astana jastary» KMM el Táýelsizdiginiń 30 jyldyǵy aıasynda qazaqtyń umyt bola bastaǵan salt-dástúrleri men ádet-ǵuryptaryn jańǵyrtýǵa arnalǵan JAS NOMAD jobasyn iske qosty, dep habarlaıdy QazAqparat elorda ákimdiginiń resmı saıtyna silteme jasap.

Uqsas jańalyqtar
Elordada «Avtomobıl» jedel aldyn alý sharasy barysynda urlanǵan 28 kólik tabyldy 2022 jyly elordada eski úılerdegi turǵyndardyń máselesi sheshiledi Elorda ákimi úleskerler máselesi qalaı sheshilip jatqanyn aıtty

Bul joba 2021 jylǵy jeltoqsanǵa deıin jastar arasynda umytylyp bara jatqan qazaq dástúrleri men ádep-ǵuryptaryn saqtaýǵa baǵyttalǵan is-sharalar kesheni retinde onlaın-formatta ótetin bolady.

«Negizinen biz is-sharalardy onlaın ótkizemiz. Kontent bizdiń YouTube-arnamyzǵa ulttyq kostıýmderdiń ataýlary men tarıhy, ulttyq taǵamdar, ulttyq aspaptar, et týraý rásimderi boıynsha shyǵarylatyn bolady. Budan bólek, qazan aıynda qolóner, qysh jáne tigin isi boıynsha eki oflaın is-shara ótedi», – dedi «Astana jastary» KMM Jastar bastamalaryn qoldaý jónindegi mamany Oljas Amangeldi.

Uıymdastyrýshylardyń aıtýynsha, joba jyl sońyna deıin jalǵaspaq. Kontent qazaq jáne orys tilderinde 25 beınerolık túrinde onlaın shyǵady.

Ashylý saltanatynda jobanyń 15 qatysýshysy úıretýshiniń kómegimen kıiz úıdi jınap kórdi.

Aıta ketsek, joba jattyqtyrýshylarynyń biri – «Qasıetti Qazaqstan» ǵylymı-zertteý ortalyǵynyń basshysy Batyrhan Jumabaev bul bastamanyń elorda jastary úshin óte mańyzdy ekenin, óıtkeni ol jastardyń ulttyq qundylyqtar týraly dúnıetanymyn keńeıtetinin atap ótti.

«JAS NOMAD – qala jastary úshin mańyzdy shara. Men jastardy umytylǵan dástúrlerdi jańǵyrtýǵa baýlımyn. Óıtkeni ózim tarıhshy, etnologpyn. Ókinishke qaraı, qazir qala men aýyl arasynda úlken aıyrmashylyq bar. Aýyl jastary qalalyqtardan qatty erekshelenedi. Biz aýyldan shyqqanymyzdy maqtan etýge tıispiz. Qazaq «Aýyl – ulttyń negizi» dep beker aıtpaǵan. Buryn babalarymyz kúzdiń osy kezeńi – Mızam shýaqta kıiz úılerdi jınap, tastan, shym kirpishten salynǵan kúzdik baspanaǵa (kúzeý) kóship, keıin qystaýǵa qonystanǵan. Bul týraly biz sheberlik-synyptarda tolyqqandy aıtyp beremiz», – dedi Batyrhan Jumabaev.

Jobaǵa 14-29 jas aralyǵyndaǵy nıet bildirgen jastar qatysa alady. Ol úshin «Astana jastary» Instagram paraqshasyna kirip, Google pishinindegi nusqany toltyrý qajet. Qatysý tegin.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT