+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Prezıdenttik jastar kadr rezervi: Qaı óńirlerden kóp úmitker tirkeldi

2021 jylǵy 24 qyrkúıek 17:32
Bólisińiz:
Prezıdenttik jastar kadr rezervi: Qaı óńirlerden kóp úmitker tirkeldi

NUR-SULTAN. QazAqparat – 1 qyrkúıekten beri Prezıdenttik jastar kadr rezervine qatysýǵa 3 828 adam ótinim berdi, dep habarlaıdy QazAqparat tilshisi QR Memlekettik qyzmet isteri agenttigine silteme jasap.

Megapolıster boıynsha 24 qyrkúıekke deıin Nur-Sultan qalasynan 464, Almatydan – 174, Shymkent qalasynan – 501 úmitker qujat tapsyrǵan.

Óńirler arasynda Almaty oblysy – 368, Túrkistan oblysy – 343, Mańǵystaý – 221, Qostanaı – 220, Aqmola – 210, SQO – 193, Atyraý – 191, Qyzylorda – 188 aldyńǵy qatarda tur. Odan keıin Qaraǵandy oblysy – 136, Aqtóbe – 133, ShQO – 128, BQO – 97 jáne eń az úmitker ázirge Pavlodar oblysynda – 92.

Sondaı-aq, Prezıdenttik jastar kadr rezervine shet elderden de úmitkerler tirkelgen. Atap aıtqanda, AQSh-tan 2, Ulybrıtanııadan – 2, Grýzııadan – 2 jáne Birikken Arab Ámirlikteri men Bolgarııadan 1 úmitkerden ótinim bergen.

Kadrlyq rezerv baǵyttary boıynsha «Bilim berý júıesin damytý» bóligi 1173 úmitkermen kósh bastap tur. Odan keıin «Memlekettik basqarýdy damytý» - 1140, «Óńirlik damý» – 694, Ulttyq ekonomıka men syrtqy saýdany damytý – 276, «Jańa áleýmettik saıasat» - 235 baǵyttary jaıǵasqan. Eń az úmitker «Іshki saıasatty jetildirý» (195) jáne «Densaýlyq saqtaý júıesin damytý» (115) baǵyttarynda baıqalady.

Genderlik bóliniste úmitkerler arasynda 2161 er adam jáne 1667 áıel bar.

Aıta keteıik, qujattardy qabyldaý 1 qyrkúıekte onlaın rejımde pkrezerv.gov.kz platformasynda bastalǵan bolatyn. Memleket basshysynyń tapsyrmasy boıynsha, bıyl Prezıdenttik Jastar kadrlyq rezervine 50 jas maman irikteledi.

Konkýrsqa 35 jastan aspaǵan, joǵary bilimi, keminde bes jyl jumys ótili bar, memlekettik tildi keminde orta deńgeıde meńgergen Qazaqstan azamattary qatysa alady.

Ol úshin Pkrezerv.gov.kz saıtynda tirkelip, ótinim berýge bolady. Qajetti qujattar tiziminde jeke kýálik kóshirmesi, joǵary bilim týraly dıplomdardyń kóshirmesi, eńbek qyzmetin rastaıtyn qujattyń kóshirmesi jáne memlekettik tildi meńgergeni týraly sertıfıkat bar.

Іrikteý kezeńi 2 qazan men 25 jeltoqsan aralyǵynda ótedi.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT